魚缸Blogger：舜宇光學具上升動力

距離蘋果iPhone 6面世日子愈來愈近，一眾手機股走勢非常之「弗」，其中舜宇光學（02382）尋日再創11.52元的五十二周新高，埋單升3.7%，收報11.06元。

舜宇最新公布營運數據，六月份手機鏡頭出貨量1,002萬件，按月及按年各升61%及92%，手機照相模組出貨量1,928萬件，按月及按年各升12%及61%。美銀美林出報告叫買舜宇光學，話佢六月銷情令人驚喜，亦可紓緩庫存風險憂慮，預期公司長線能夠享受更高經營槓桿，畀佢目標價14蚊。

近年舜宇積極轉為全球化企業，去年成功取得日本車載鏡頭、韓國手機鏡頭訂單，加上內地智能手機市場趨成熟，配合公司千萬像素以上手機鏡頭、車載紅外鏡頭及紅外安防監控鏡頭，潛在增長同技術優勢值得睇好。如果睇圖，二月以來走勢一浪高於一浪，現價14日RSI（59）有上升動力，全部平均線趨勢向上，守住保力加通道底部10.2元，跟炒上望12個半。