魚缸Blogger：海隆控股反彈力強

尋日海隆控股（01623）以大成交急升7.1%至4.21元收市，收復20日線4.19元，短線守得住的話，可留意博三底反彈嘅機會，阻力位先睇100日線4.7元。

海隆從事鑽杆及相關產品、塗層塗料及服務，以及油田服務，近年持續向更高端服務領域進發，並提高在海外市場的滲透率，好似去年就同殼牌簽訂3,000馬力高溫高壓陸地鑽井服務及修井服務合同。另外，在陸地油服走向海洋油服下，海洋油氣資源開發係大方向，公司買咗隻鋪管起重船「海隆106號」嚟幫吓手，作業水深8至300米，而最新的海洋配重管線及合金複合內襯管防腐技術，去年取得業績突破，今年料將帶來增長動力。

望吓業績，公司去年收入增長8.3%至24.5億元人仔，錄得純利3.45億元人仔，大致持平。上月公司以990萬加元收購加拿大物業，由租轉買，目的係長線節省租金成本，同時將會加以重建及擴建，從而更有效使用物業及提升價值。