上周五港股主板成交增至510億元，但交投未算暢旺，而且上榜股份都十分個別，未見甚麼板塊特別跑出，要搵連續幾日股價硬淨的股份就更加難，顯示資金在如此市況下只輪流炒作不同板塊。

恆指期貨走勢 2014/6/20

事實上，中港股市其實都未有重大焦點，就算上周港匯曾一度走強，但港股成交未見異動，正反映就算有熱錢都未必一定要流入港股，由此推算短期內要個別股份大升易，但要大市急抽則難矣！

上周五恒指收市升26點，收報23,194點，即月期指於現貨收市後由升轉跌，日市期指報23,171點，跌24點。部署方面，由於恒指繼續在23,053至23,398點之間橫行上落，故在未「爆邊」前只宜在區間內炒即市上落。

至於上周四在10,310點揸的國期同樣「無驚喜」，上周五國期波幅得136點，但以波幅計數炒國指當然好玩過期指，就算計成交張數，上周五國期成交張數有5萬幾張，亦比期指的4萬幾張多，多少反映出資金睇法。

策略上，滬綜指上周五先低後高，看來鐵底2,000點可以一守，但考慮到周末持倉過夜風險，故決定在10,420點先行平倉獲利，等今日觀察大市氣氛後再落注都未遲。