魚缸Blogger：比亞迪電子可追落後

尋日比亞迪電子（00285）同比亞迪股份（01211）拍住上，分別上升2.3%及3.1%，至5.67元及41.45元，其中前者即市創下5.75元的一年新高。市場預期今年內地智能手機出貨量超過4.5億部，相關股份應該仲有追落後空間。

比亞迪電子從事手機部件及模組製造、組裝及銷售，去年營業額增長14%至160.6億元人仔，純利大增71.1%至6.4億元人仔，毛利率亦由8.45%升至10.45%，原因係金屬部件增長強勁、產品結構持續改善，同埋贏得國內外知名品牌高端旗艦手機同平板電腦訂單。

去年公司亦都成功研發塑料與金屬混融技術（PMH），可改善傳統金屬部件的接收能力、提升外觀及質感，料為未來產品發展趨勢，相信今年平板電腦同金屬外殼業務係佢兩大增長動力。