滙豐中國五月製造業PMI數據差過預期，但被國務院「定向降準」的利好消息所抵銷，上月累積升948點的恒指，在六月第一個交易日就升穿23,224點阻力，打破雙頂走勢。

恆指期貨走勢 2014/6/3

恒指昨升209點，收報23,291點，美中不足是主板成交僅673億元。六月期指日市收23,104點，較合理值低水8點，成交4.58萬張。

昨日恒指以全日高位23,327點開出，早市低見23,134點後，大部分時間在23,195至23,275點之間上落，期指同樣在早市先見全日高位23,230點，再在十點前見了22,975點全日低位後，十點半之後有數小時在70多點內上落。

筆者主觀意見，雖然昨日恒指技術上破位，大市卻無明確炒賣焦點，破位後恒指只係行多103點，升市明顯缺乏氣勢，反映基金大戶入市態度仲係極為審慎。

到底乾升局面，是基金買貨買得有氣無力，抑或要沽的沽得八八九九，形成市況沽壓有限，營造乾升現象？要等歷史畀答案我哋，但破位就係破位，故昨日收市前仍按計劃在23,120點，以三分一注碼先開好倉。