魚缸Blogger：康健前景可觀

康健國際醫療（03886）呢個新名尋日已生效，而每手股數亦早於上月由4,000股，轉做2,000股，企業形象加強之餘，入場費亦有所降低，股價屢創新高，昨日以5.8元收市，升幅4.8%，雖然牛叉初現，但累積升幅唔少，高追要留意風險！

康健去年扭虧為盈，錄得純利4,963萬元，前年同期則蝕4.3億元，原因係期內錄得出售聯營公司收益、應佔聯營公司溢利增加、醫療保健及牙科服務業務溢利增加，以及無就持作買賣投資公允值變動的虧損作出確認。

公司繼於去年增持廣州宜康醫療股權，喺內地提供化驗測試及醫療診斷服務後，今年三月公布將會在河南省搞產科醫院，進一步投資內地市場，前景可觀。