繼上星期四歐洲央行行長德拉吉話有機會量寬後，未來幾星期經濟數據的重要性即時提高咗好多，德國公布ZEW投資者信心由43.2急降至33.1，對歐元絕對係另一打擊。通常壞消息總係一不離二，而《華爾街日報》一篇報道話，如果歐元區六月份通脹仲係咁低，德國央行已同意支持歐洲央行採取行動，出手刺激復甦，例如實施存款負利率、進一步迫銀行借貸或企業進一步加大企業投資，甚至買進一籃子銀行債務。
消息令歐元雪上加霜，因為德國作為歐元區最大經濟體，對歐洲央行的決策極具影響力。歐元於六月初歐央行下次會議前，相信仍是易跌難升，支持位於1.3620，阻力在1.3830。
短線市場焦點落在英倫銀行的通脹報告和就業數據，市場又可玩估幾時加息嘅遊戲，預計英鎊支持於1.6740，阻力於1.6900。從歐元兌英鎊交叉盤可見，英國經濟明顯處蜜月期，英鎊抗跌力比歐元強，中線仍值得看好，去番1.67邊，可以考慮同佢再續前緣。
資深外匯市場人士 陳健豪
| 租／售 | 租 售 |  |
| 樓盤由squarefoot.com.hk提供 | ||
