政府提出放寛DSD期限「減辣」，為樓市帶來憧憬，帶動大型屋苑睇樓量節節上升。綜合地產代理數據，部分屋苑睇樓量更勁升三至四成。

二手市場睇樓量雖然大增，但成交量反而回落。（資料圖片）

不過，睇樓量增，成交卻未見同步轉活，令二手市況「好『睇』唔好食」，大部分屋苑過去一周成交不升反跌，其中，將軍澳區幾近全數屋苑成交量都按周錄得跌幅，新都城更勁跌逾七成；而港島區多個屋苑同樣出現睇樓量升成交跌的情況。

將軍澳七個大型屋苑睇樓量普遍升近一成，氣氛看似受減辣消息帶動，不過，過去一周成交卻明顯回落，新都城更按周跌71.4%，上周僅錄四宗成交。蔚藍灣畔和維景灣畔的成交量亦按周下跌超過六成。

業主轉軚 叫價趨硬

美聯蕭偉康指，減辣雖吸引大量換樓客睇樓，但市場的低價放盤不多，加上業主得悉減辣後，叫價亦轉強硬，令成交萎縮。

港島藍籌屋苑，睇樓氣氛理想，但成交未旺。北角城市花園昨睇樓量激增四成，惟交投淡靜，五月份維持每周錄一宗成交。美聯梁文輝稱，鴨脷洲的海怡半島，睇樓客亦錄兩成增幅，但整體成交卻維持在五宗。

新界沙田中心、海濱花園及麗城花園等，睇樓量昨升兩至三成，惟沙田中心及海濱花園的成交皆維持於兩宗，與之前一周無異。中原亞太區住宅部總裁陳永傑指，減辣對二手樓市未必有提振作用，反因減辣消息，業主反價，但買家不肯貿然追價，令買賣雙方拉鋸，二手成交或進一步放慢。