港股經過前日急升398點後，昨日上升動力明顯減弱，隔晚道指創新高，恒指以22,436點的全日高位開出後，大部分時間在20日線22,420點樓下整固，以消化過去幾日的升勢，最終收報22,352點，升90點，主板成交回落至507億元。

恒指期貨走勢2014/5/13

筆者昨日提到，上月二十九、三十日期指結算及基金月結日高位22,335點水平，會係好友一大阻力，昨日即月期指早市見過22,250點後，好友全日都無再嘗試作出挑戰。

客觀環境上，大市由之前受濠賭及騰訊（00700）反彈所帶動，轉為從指數權重較低的中港地產股方面獲得支持，要交出前日般數百點之升幅，是有點難度。

不過，五月期指去到22,250點，連周一即市高位22,280點都可望不可及，筆者遂按計劃把前日開市做的好倉止賺，等下次機會。

五月恒指期權合約，22,200點樓下的認講未平倉合約全線回落，好友轉做22,400點樓上的價外認購，爭取較高槓桿，未平倉合約以22,400點最多，去到3,248張，是否意味大部分期權玩家同筆者所想一樣，大市要逆轉滬港通後一浪低於一浪形勢，短期先要升穿上月二十九、三十日高位，想博，但又無膽博得太價外？