魚缸Blogger：東岳集團走勢回勇

尋日東岳集團（00189）出現異動，喺成交急增下升一成，收報3.34元，依家處於二月延伸至今的上升軌，14日RSI回勇，若短線回吐守得住100日線3.07元嘅話，唔大貪先睇4蚊。

東岳去年少賺34.7%至4.6億元人仔，營業額減少3.8%至67.8億元人仔，原因係大部分氟化工產品售價下跌。公司去年十一月與AFCC公司簽訂聯合開發車用燃料電池膜協議，以推動清潔能源燃料電池車產業化，而該公司係戴姆勒及福特旗下子公司，未來同兩大世界汽車巨挈合作，料為其帶來新增長亮點。

另佢上月以10億元人仔入股從事股權投資及資產管理的中國民生投資，旨在透過投資及收購具增長潛力的行業去分散風險。