魚缸Blogger：中信21世紀有力再上

阿里巴巴終於向美國提交上市文件，尋日好多科網股都捱沽，惟獨中信21世紀（00241）狂飆兩成，收報6.29元，配合牛叉初現，若短線回吐仲守得住5.81元嘅話，唔排除仲有得上。

中信21世紀自從獲阿里入主後，股價炒到慶合合，三月高見8.3元，四月低見4.1元，大上大落。不過，公司旗下產品質量電子監管網（PIATS）係佢一大賣點，涉及藥品、食品飲料、農資、家電等產品，有指雙方計劃一齊推進藥品訊息化平台建設，市場憧憬可帶嚟增長動力。

截至去年九月底止，中信21世紀中期收入大增97%至1,489萬元，虧損略縮至1,461萬元，未有貨嘅話，可以睇埋佢份全年業績先至部署。