魚缸Blogger：國美電器有力破頂

國美電器（00493）啱啱以每股1.3至1.31元回購咗2,000萬股，涉及金額2,616萬元，為股價帶來刺激作用，尋日急升7.6%，收報1.41元，14日RSI未算超買，配合大成交兼短線黃金交叉利好，博佢破頂見1.6元。

國美去年積極打造成為「線上線下全面融合的多渠道零售商」，繼中期扭虧為盈，錄得純利3.22億元（人民幣．下同）後，全年更賺8.9億元，前年則蝕5.97億元，可見業務快速重上軌道，值得讚好。

睇番佢嘅三年戰略目標，除鞏固一級市場地位外，二線城市的銷售佔比已增加，同時開拓電子商務平台「國美在線」，加埋區域物流中心擴大配送範圍，已唔可再以傳統家電零售商視之。