SUN勢力：耐世特值得吸納

汽車股比亞迪（01211）發出首季盈警，即遭市場掟貨，昨日收市跌14%。其實，內地車股近月表現一點都「唔醒神」，反而汽車零件股耐世特（01316）年來錄得不俗升幅，昨日股價雖曾亦一度急跌7.6%，但其後拗腰收窄跌幅，收市只微跌1.1%。

本欄去年十一月曾推介此股，主要是睇中其股東背景及技術水平，既可受惠環球車市復甦，又因業務重心將由海外市場為主轉為同時加強發展內地業務，價值根本未反映其潛力。結果股價由推介時的3.67元累升近六成，表現突出。

公司去年盈利按年大增91%至1億美元，管理層明言未來會投放資源研發新產品，發展內地及其他新興市場，相信集團盈利可維持雙位數增長，值得吸納。