魚缸Blogger：華晨汽車單日轉向

早前汽車股無人吼，卒之尋日吉汽（00175）績後現報復式反彈，另一隻同病相憐、過去幾個月股價唔見咗一截嘅華晨汽車（01114），話唔定都博得過！

由於輕型客車銷量減少，所以公司去年上半年收入倒退8.4%至25.7億元人仔，但主打品牌寶馬嘅合營銷量大增，帶動公司多賺逾五成，至20.2億元人仔。公司未來將會推出更多本土化的寶馬新型號產品，上月亦都入圍北京市示範應用新能源小客車生產企業及產品目錄。

睇番幅圖，股價自去年十月起沿10日線下跌，由高位14.66元碌到落尋日低位9.5元，有見佢單日轉向，原本低開9.5%，收市倒升1.1%，以10.62元收市，14日RSI處35，不妨（目及）實。