魚缸Blogger：飛毛腿逆市狂飆

電池股飛毛腿（01399）尋日又再異動，逆市狂飆一成，收報0.82元，憧憬佢嘅新能源電池業務發展加快，細細隻容易炒！

飛毛腿除有「SCUD飛毛腿」同「Chaolitong超力通」兩大品牌之外，仲有原設備製造（OEM）及電芯業務，去年落力轉型至OEM業務，並加大投放上游鋰電芯產業。公司前年錄得虧損1.63億元人仔，而去年上半年少賺4%至1,155萬元人仔，似乎收復業績見紅的失地。隨住分銷佔比下降，去年虧損有望收窄。

現時網購有幾咁受歡迎唔使多講，而公司亦推出新產品，喺「天貓電器城」及「淘寶網」有電池官方旗艦店，見佢近排做緊三折限時秒殺、100台買一送一，薄利多銷兼當賣廣告。