魚缸Blogger：比亞迪勿過早估頂

內地要對抗污染，新能源汽車使命重大，絕對解釋到點解近月汽車股跌到咁殘，但隻比亞迪股份（01211）依然能夠獨善其身，尋日再創新高，睇佢走勢咁靚仔，真係不宜太早估頂。

近排比亞迪有唔少利好消息，如入圍北京市示範應用新能源小客車生產企業及產品目錄、內地延長補貼政策兼減幅比原定少，及繼續增加電動車試點城市數目等。另天津為鼓勵個人購買新能源汽車，對純電動車同插電式混合動力車提供補貼，其中純電動車補貼介乎3.5萬至6萬元人仔，同時可免費獲得車牌。

比亞迪尋日高見56.95元，收報55.2元，升1.3%，技術上已進入超買區，如果短線可企穩55蚊，唔排除要見到60蚊先肯抖。