一月推介過隻有央企中航工業撐腰嘅耐世特(01316),話咁快就攻破咗5蚊關,尋日急升8.6%,收報5.29元,睇番成交亦都配合,有可能係市場憧憬佢於兩周後公布的業績,畏高的話就等回調至5.1元後收集。

耐世特去年上半年來自中國的收入佔比為10.6%,未來將會進一步開拓新興市場。另早前摩通出報告唱好,預期公司今年中國的收入佔比將升至超過12%,原因係內地對汽車保養的監管日趨嚴厲,優質的海外供應商自然率先獲益,同時預測去年利潤1.1億美元,畀佢目標價5蚊。上月耐世特透露將向寶馬i3系列電動車提供電動轉向(EPS)系統,料在其訂單持續增加下,公司盈利能力值得睇好。

耐世特(01316)

阻力位:5.80元

支持位:4.65元