大市一連三日，即市在22,260點、22,259點及22,258點範圍內見底，營造短期三底，藉期指結算日，大戶果然在二月先低後高的市況中，殺絕淡友。恒指最高見過22,866點的超過一個月高位，最後升390點，收報22,828點，主板成交升至731億元。

恒指期貨走勢2014/2/27

大市沽空佔成交比例經連續五日雙位數後，回落至9.06%，反映沽空現貨的大戶，見期指挾倉挾得興高采烈，都選擇先避其鋒。

實在有點後悔，22,152點的入市目標訂得太低，錯過昨日挾淡倉的大升獲利良機。最厲害係儘管騰訊狂升30.5元去到616.5元新高，也只係貢獻指數106點，等於大市升幅兩成七左右，可見藍籌的買盤及升勢相當全面。話分兩頭，即使現價再追，其實與二月中本文提及的食胡位，只不過相差200多點，未算太輸蝕。

假如昨日升市不單純是結算日挾淡倉的話，技術上，現貨指數升穿上次高位22,742點，仲係企穩50日線樓上收市，破位的迹象極為明顯，今日如果開市升幅低於百點內，筆者會先買回三分之一size的期指好倉。