昨日A股拗腰倒升，滬綜指以全日最高位2,041點收市，升7點，港股也見技術反彈，升120點，收報22,437點，主板成交637億元。

恒指期貨走勢2014/2/26

無獨有偶，一連三日恒指即市低位，分別出現於22,260點、22,259點以及22,258點，十分接近，到底是否受今日結算，大戶力圖營造短期三底，好盡量爭取在二月先低後高的市況下，今日能以較高的平均價結算？如果現貨再穿這密集支持，短期調整可能未完，已持好倉者務必要立即止蝕。

三月期指日市收22,355點，同樣地，過去三日的即市低位十分接近，分別在22,172點、22,169點及22,205點，同筆者預訂重新開始建立好倉的觸發點22,152點十分接近。

昨日滬綜指四支陰燭後出現難得的陽燭，人民幣連跌多日之後，昨日在低位出現十字星，雖則如此，但筆者都無郁手開好倉，皆因考慮到結算因素，可能影響短期技術走勢。

而且滙豐中國二月製造業PMI終值將公布，對好友而言，初值大失所望對中資股的衝擊，仲係歷歷在目。討厭賭大細的，其實遲多一兩日，等埋數據至制訂中短線入市策略，都唔係過分。