去年十二月先轉主板的中國城市軌道（01522），尋日跌市仍升3.3%，收報1.84元，即市並再創1.95元的一年新高，睇番成交亦都配合，短線回調若唔跌穿10日線1.69元，話唔定可以再破頂，唔大貪先睇兩蚊。

睇番成績表，公司一一至一三年（截至六月底止）分別錄得收入7,204萬元、1.9億元及2.5億元，純利4,047萬元、8,071萬元及5,904萬元。雖然中國城軌取得北京地鐵TCC二期工程及香港東鐵更換門電器件工程，但同時因硬件採購成本增加而令去年業績倒退；至於前年公司主要銷售應用解決方案，驅動成本上升因素只係人工，所以盈利基數較高，並唔係佢經營出現問題，未來其他業務收購值得憧憬。

中國城軌（01522）

阻力位：2.0元

支持位：1.6元