經營「日本城」嘅國際家居（01373），雖然去年九月上市初期表現唔多好睇，不過十一月開始發力追落後，走勢一浪高於一浪，尋日即市仲曾經挾到去4.05元，創上市新高，同招股價2.81元差距44%，可以等到回調3.7元後上車。

截至去年十月底止，公司零售店數目311間，未來將會進一步擴充服務網絡及增加店舖數目。去年上半年純利激增逾倍至7,903萬元，毛利率亦由46%升至46.8%，原因係公司精簡供應商物流安排，同埋向其爭取更優惠定價。期內收入佔比逾八成的香港業務收入增長14%；新加坡及馬來西亞業務收入各增五成及74%，可見其他市場包括澳門，將成公司的新增長動力。

國際家居（01373）

阻力位：4.20元

支持位：3.49元