英國一月份建造業PMI指數進一步擴張，但服務業同製造業都有所回落，令英國經濟開始放緩的憂慮增加。

不過，市場對英國加息的樂觀情緒稍有動搖，市場正觀望央行會否修改「前瞻指引」門檻，例如將失業率由7%向下修正至6.5%。

於日線圖上，雖然近期英鎊守穩1.6250重要支持，但可唔可以進一步反彈，實屬未知之數。

其匯價由1.66連跌數日，要急速扭轉跌勢非易事，反而需要時間消化，就好似當一把刀下跌時，千祈唔好第一時間伸手接，等佢在地下彈幾下先慢慢彎身執起，就唔會咁易受傷！因此，看官不用急於買入英鎊。

再睇小時圖，筆者見英鎊以一浪低於一浪形態向下，雖然在1.6250支持的確出現反彈，但略嫌反彈力度唔夠強，匯價亦未開始形成一浪高於一浪走勢。

英鎊阻力在1.6450，可以升至此水平再調整才是吸納的最佳時機，下一支持位在1.6120。