港股於馬年開壞頭，昨日依然反彈乏力，無視隔晚美股拗腰升72點。恒指高開167點，已是全日高位，午後最多跌過200點，收市跌128點，報21,269點。

恒指期貨走勢

即月期指日市收21,197點，轉炒72點低水，但留意到夜市初段期指已轉到平水，反映昨日唔少博即市反彈的，似乎蝕水亦趕在收市前平倉，令期指出現短暫的不合理低水情況。

恒指9日及14日RSI跌至極超賣水平，過去八個交易日累跌1,813點，短期出現技術反彈的可能性愈來愈高，22,436至22,044點，22,052至22,109點及21,610至21,746點的三個下跌裂口，補回兩個的機會仍然存在。

另一值得留意的是二月期指未平倉合約，在上周五和本周二的兩日跌市中回落至9.7萬張，較上周的高峰期減少，相信同部分大戶低位計數有關。既然港股唔跟美股走，明日A股假後復市，大跌是預期之內，但若然跌幅比預期細，將反而有望成為支持港股反彈的催化劑。