今日係「立春」，筆者祝廣大讀者馬年行好運，財源滾滾來。港股在整個蛇年都好反覆，加上資金炒股不炒市，但恒指成分股就自成一格，令指數繼續不能充分反映港股走勢。不過，既然馬年剛至，加上期指可買可沽，只要大家做足準備，相信亦可由頭贏到尾。

恒指期貨走勢

講番港股，雖然蛇年最後一個交易日得半日市，但並不平淡。港股先裂口低開約314點，其後就拾級而上，收報22,035點，重上兩萬關，跌106點或0.4%，主板成交492億元。國指就較失色，蛇尾只收於9,818點，跌79點或0.8%，跌幅接近恒指一倍。

期指亦只得半日市，早段低開後於十點前已見全日低位21,705點，其後反覆向上並升至接近全日高位收市，報22,009點，跌94點，未平倉合約105,470張，似乎都有唔少投資者選擇「責」貨過年。

策略上，剛公布的中國一月份非製造業PMI連跌三個月，加上日圓繼續大散，日經指數昨跌近2%，今日港股開市都係比較難搞，故可考慮先觀察周初市場氣氛後才再落注，相信勝算更大。