尋日海信科龍（00921）發盈喜 ，帶動股價升逾6%，以11.44元收市，14日RSI有上升動力，去年十月推介時已經話過佢下半年業績有睇頭，事關公司銷售快速增長，母公司仲同阿里巴巴集團旗下子公司阿里雲有合作關係，揸短中長線都吸引。

海信科龍去年首三季純利增長98%至11.7億元人民幣，預期截至去年底止全年純利將比去年增長67%至一倍，原因係期內產品收入增長幅度高過同業，因公司積極調整產品結構、新推出一系列高端產品，令毛利率不斷改善、盈利能力提升。公司規模效益同產品能源效益佔優，另前年海信集團已同阿里雲強強聯手，拓展雲電視等業務，未來話唔定有機會帶挈埋佢。

海信科龍（00921）

阻力位：12.96元

支持位：10.38元