究竟今次人行進行大手逆回購後，A股能否擺脫劣勢？從昨日滬綜指再漲近2.2%，並創近兩個月最大單日漲幅應有啟示。可惜昨日國指跟A股升1.06%，但恒指就只微升0.2%，報23,082點，多少反映資金寧願走去博中資股，都唔認為在下周春節同美國聯儲局公布是否進一步收水前，恒指可以跟A股爆上。

恒指期貨走勢2014/1/22

另外，昨日資金繼續輪流炒作不同板塊，濠賭股繼續回氣。相反，下跌多時的貴金屬股及基建鐵路股則強勢反彈，馬鋼（00323）、江西銅業（00358）、中交建（01800）以及中國南車（01766）錄得不俗升幅。

恒指繼續悶局，昨日恒指波幅指數報13.95，要炒即市難度甚高。說到底，恒指成分股僅得50隻，且呢期積弱的中資金融股佔比不低，又怎能全面反映港股市況？

正如昨日恒指早段低開22,954點後，十點前已跟A股彈上23,000點樓上，其後主要在23,020至23,100之間窄幅波動，若單睇指數真係悶死人。

策略上，周二在23,140點做的期指淡倉，昨一開市先跌後彈上23,000點關，但未到止蝕或目標價，故繼續持倉。另外，國指連續兩日企穩10日線樓上，若已持國期好倉者應緊貼市況。