美國聯儲局依家最希望係經濟繼續復甦，從而刺激消費開支呢個復甦引擎，不過做生意又怎會諗到起廠房買設備，就即刻話起就起，咁大投資自然要諗清諗楚。但企業唔肯投資，又會對經濟造成不利影響。

雖然美匯指數曾經下跌，但仍在79至81.5區間上落，趁美元調整都係中線吸納機會。一四年其中一隻有機會跑贏美元嘅係英鎊，日前公布CPI年率是近四年來第一次達到央行2%通脹目標，預計未來一年大部分時間通脹都維持在呢個水平附近。

雖然加息已經炒了一段時間，對英鎊嘅刺激作用實在有限，1.66水平阻力仍大，除非英倫銀行將前瞻指引中失業率目標有所調低，否則仍有投資者繼續估英國會提早加息。

技術上，英鎊在一月份開始繼續高位整固，但成個上升趨勢仍保持完整，支持位由上年十一月嘅1.59已經向上升至1.626，所以預期第一季英鎊繼續係1.62至1.66之間整固。