魚缸Blogger：酷派集團反彈未完

酷派集團（02369）改完名就即刻有運行，尋日股價再升14.2%，以接近全日高位3.78元收市，同一年高位3.92元距離唔遠，睇嚟雙底反彈仲未玩完！

酷派中期多賺四成至2.1億元，原因係3G酷派智能手機業務增加五成，而4G酷派智能手機亦開始作出貢獻，期內毛利率升1個百分點至13%。

查實「Coolpad」品牌在內地的知名度有番咁上下，雖然高盛去年將呢隻股剔出「確信買入」名單，認為內地銷售渠道的結構性改變將會影響其市佔率，不過酷派已成功開拓「酷派網上商城」，亦都同電訊運營商推出優惠月費套餐，仲有密集式的新產品面世，同時提高海外市場滲透率，唔好睇小佢嘅發展前景。