信達資產（01359）掛牌僅半個月，係威係勢，首日已獲納入FTSE指數，獲利盤消化咗一輪後，上周五收報4.84元，同上市高位5蚊距離唔遠，內地經濟一直畀地方債拖住後腳，呢個炸彈等住拆，食住條水追得過。

信達在內地從事金融資產管理，核心不良資產經營業務係佢一大賣點，涉及不良債權資產經營、債轉股資產管理、問題實體託管清算及重組服務三大範疇。一○至一二年該業務平均稅前淨資產回報率分別為43%、44.5%及31.4%，每年純利維持於70億元人仔左右，而經營以來債轉股資產處置價格，是其對應帳面成本的2.32倍，可見只要公司拎到有商業可行性的項目，再加以改造後，回報都幾吸引。

信達資產（01359）

阻力位：5.3元

支持位：4.3元