4G時代得益者之一嘅摩比發展（00947），於周二急升7.3%，收報1.46元，但查實佢○九年上市價3.38元，即使計埋一○年10送1紅股，依家仲係處於潛水狀態，近排股價多次出現異動，除成功突破去年三月高位1.44元外，仲創出1.65元的逾兩年新高，14日RSI已回落至61水平，若可企穩10日線1.42元，短線應有力再升多浸，細價易炒，喺收爐前睇吓有無機會上車！

受延遲網絡建設同歐洲客戶經營波動影響收入，公司今年上半年純利倒退45.6%，至779萬元人仔，但已扭轉去年下半年業績見紅劣勢，隨住2G產品庫存清理得七七八八，只要LTE產品銷售比重提升，盈利將恢復增長。

摩比發展（00947）

阻力位：1.70元

支持位：1.31元