今年積極購併嘅復星醫藥（02196），下半年開始發力，股價係咁破頂，尋日再升1.4%，收報20.95元，即市一度升穿22蚊關口，高見22.2元，14日RSI處於合理水平，優質藥股揸短中長線都得。

復藥首三季純利增長27%至13.8億元人仔，內地老齡人口過億，醫療需求有增無減，復藥截至六月底止旗下安徽省濟民腫瘤醫院、岳陽廣濟醫院及宿遷市鐘吾醫院開放床位合共超過千三張，期內收入佔比唔夠半成的醫療服務分部，收入激增逾倍至1.65億元人仔，仲未計埋近月先後收購的廣州南洋腫瘤醫院同佛山禪城醫院股權，而佢仲揚言話要買多500間，隨住產業布局更加完善，值得幫佢再加分。

復星醫藥（02196）

阻力位：23元

支持位：19元