聯儲局開始退市，有利美元下，相信美匯指數會試一試番近日區間79至81.50嘅頂部，短線已見79.70有支持，進一步確認美匯79水平見底。臨近聖誕節，匯市難得休市，相信大家入市意欲未必太大。

英磅兌美元走勢

一四年，相信匯市大方向是買美元而沽基本因素差的外幣，如上文提及的日圓、澳元甚至因通脹甚低而令央行有空間去做寬鬆措施的加元；相反，經濟增長勢頭好的英鎊同有加息誘因的紐元，將成為抗跌力強的外幣，就算調整都係小回大漲格局，尤其係英鎊，一四年如果英國退市可能會比聯儲局更加狠，炒加息時間可能比聯儲局更早，相反紐元加一次息後可能會停一停，所以英鎊暫時不但唔可以沽，仲可能係一四年兌美元有得升嘅貨幣添。

歐元乏急跌誘因

至於歐元，短線急跌誘因唔係好大，睇嚟一四年尾前歐元都係繼續喺1.3450至1.3850間上落嘅機會比較大。

最後一個星期，筆者都唔建議再大手買賣，應該歲晚收爐好好享受難得嘅假期。最多係做定部署，而上文強勢貨幣兌弱勢貨幣嘅交叉盤，例如英鎊兌日圓、英鎊兌澳元、紐元兌日圓、澳元兌紐元呢4隻貨幣，都係下年嘅非美元貨幣兌嘅重點貨幣！祝大家有個愉快嘅聖誕假期！