美股周三再度「破頂」，昨日不少散戶很早已到證券行「霸位」觀察港股開市狀況，詎料「一場歡喜一場空」，昨日恒生指數高開逾二百點後，全日倒插逾二百點，散戶均「O晒嘴」。

昨日開市前，致富證券大埔分行已坐滿散戶，分行經理朱永年直言，明顯較平日旺場，電話響個不停，但主要查詢新股，「唔少散戶有抽福壽園（01448），見暗盤價急漲，最多人打電話嚟掛盤沽貨。」。

普遍睇好後市

不過，港股之後顯著下跌，朱永年說，散戶反應甚愕然，但因不少在上午已獲利沽貨，因此「執番身彩」。他直言，散戶無所適從，但因市場憧憬中央陸續有扶助政策出台，多對後市依然有信心。

散戶Pasu表示：「近期港股主要受A股拖累，美股升市都無作用，好彩朝早高位沽咗隻中信証券（06030）﹗大市成交仲有七百幾億，睇個市可以炒到年尾，會吼實今年最後三至四個交易日撈華夏滬深三百（03188）同中信証券博出年反彈。」

大學生散戶Chapman表示：「港股一支大陰燭咁插落黎，內地股市又唔掂，恒指個勢應該仲會向下調整，新年前都會抱觀望態度，乜都唔敢掂住，好彩手頭上啲股票都係長揸為主，所以下個星期會去旅行休息吓，等個市跌到22,200點水平，先撈內地環保股同科網股。」