魚缸Blogger：康哲藥業走勢回勇

優質藥股長炒長有，睇見四環醫藥（00460）係咁破頂，另一隻去年底推介過嘅康哲藥業（00867）亦都回勇，上周五急升半成，收報7.87元，揸短中長線都吸引。

康哲今年上半年營業額增長26%至1.67億美元，純利增長22%至5,049萬美元，而近五年中期兩者複合年增長率分別為37.5%及47.9%，毛利率升至59%，可見業務持續增長。另外，截至六月底止六個產品正在進行註冊，同時八月取得Zeller藥廠三項藥品的內地獨家銷售權，為期三十年，公司不斷加強授權產品的穩定性同可控性，未來收入貢獻值得憧憬。

公司股價自去年六月起沿住50日線上升，由3蚊左右，升到今年四月的五十二周高位8.15元，雖然之後掉頭回落至九月低位5.76元，不過好快爬番上嚟，近日又再蠢蠢欲動，如果短線回吐仲守得住10日線7.41元嘅話，小注博佢破頂見八個半。