魚缸Blogger：天工國際下站睇2.5元

天工國際（00826）近呢兩個月嘅調整暫時告一段落，除股價已成功重返250日線2.12元樓上外，尋日再升4.1%，收報2.25元，配合10日線有拗腰升穿250日線迹象，睇勢話唔定可以向住兩個半進發。

雖然天工上半年收入倒退4.3%至16.5億元（人民幣．下同），不過純利增長15.4%至2.4億元，原因係原材料成本減少令毛利率升至26.5%（去年同期22%）。期內高速鋼同模具鋼出口銷售分別增長55.6%及25.3%，其中收入佔比近四成的模具鋼銷量增長兩成。公司近期進軍高值金屬市場，如應用於航空、海洋工程及醫療用途的鈦合金，上半年業務增長交到貨，將會係佢嘅新增長亮點。另上月公司取得美國SB公司5,000噸工模具鋼訂單，涉及金額1,300萬美元，加加埋埋已完成明年上半年目標，相信明年收入可以出現雙位數增幅。

天工國際（00826）