魚缸Blogger：四洲下站目標4.5元

CEC國際（00759）靠「759阿信屋」係威係勢，畏高買唔落手的話，可以望吓開「零食物語」嘅四洲集團（00374），尋日即市創下4.23元的一年新高，埋單仍升5.6%，收報4.13元，10日線3.71元支持唔錯，而且保力加通道擴闊，唔大貪先睇4個半。

四洲以代理日本進口零食起家，已發展至食品加工製造、代理、零售及餐飲等業務，除代理明治、卡樂B等超過70個來自20多個國家及地區的牌子外，亦有自家品牌「四洲」，贏在產銷一體化。今年上半年純利增長63.5%至7,111萬元，原因係採購及生產成本控制得宜，同埋採購商品其中一項交易貨幣日圓貶值。另外，公司積極拓展代理業務，如早前就拎到日本著名高級手信品牌「YOKU MOKU」代理權，喺ifc嘅香港首間專門店將於月內開幕，料可進一步擴大客戶群兼增加收入。

四洲集團（00374）