陳爽

1. 你認為自己現時財富屬於哪一級？（分五等級：優、良、常、可、劣）

答：良，現在收入穩定，但仲可以搵多啲！

2.你試過最貧窮是何時？當時情況是怎樣？

答：○七年返香港選華姐時，儲蓄用得七七八八，但最窮時戶口都有五位數。

3.你試過最富有是何時？當時情況是怎樣？

現在，有份工、有樓自住和收租。

答：

4.每月的收入中，儲蓄、投資及消費分別佔多少？

答：儲蓄50%、投資40%、消費10%，我好少使錢，出街都係老公畀錢，哈哈！

5. 金錢對你的重要程度屬於哪一級？（分五等級：極重要、很重要、重要、不重要、絕不重要）

答：重要，錢搵唔晒，夠使就得。

6.你每月開支平均大約多少？

答：四位數字，主要用嚟食嘢和搭車，至於買衫就碌老公張卡。

7.你現時身上帶有多少現金？

答：千幾蚊。

8. 你何時開始儲蓄？

答：十五歲時父母幫我開戶口。

9. 你擁有多少個銀行戶口？

答：3個

10.你幾多歲賺到首個一百萬？

答：計埋物業嘅話，二十七歲已經有。

11.現時有否借貸？（包括信用卡、樓宇按揭及私人貸款）

答：有，樓按，卡數就月月清。

12. 你現時共擁有多少張信用卡？

答：5至10張，部分放喺屋企。

13. 現時擁有多少個物業？

答：唔講得，哈哈！

14.第一次買樓時你幾多歲？

答：二十六歲。

15. 過往你有否投資過物業？

答：有，○九年喺香港買樓，好彩當時買咗，現在樓價真係好高，又要畀雙倍印花稅。

16.你有否投資股票或基金？

答：買樓前買過股票，基金就只有強積金。

17. 總括而言，你投資股票是賺、打和還是虧蝕?

答：蝕呀，有隻仲要輸成70%，真係損手爛腳。

18.你有否投資外匯或擁有外幣戶口？

答：有，以前係加拿大讀書，所以有加幣戶口，現在加埋美元和人民幣戶口。

19.你有否購買保險？若有，共擁有多少份保險？

答：有，兩份，一份跟航空公司買，一份跟老公嘅公司買家屬保險。

20.你有些特別的另類投資嗎?

答：有和老公一齊去拍賣行買酒，一箱箱咁買，就算賣唔出去，都可以自己飲。

21.你打算何時退休？

答：愈早愈好，但都會Keep住做嘢。

22.你認為至少要擁有多少儲蓄才可安心退休？

答：如果有5、6層樓，加多一、兩個舖位收租就差唔多。

23.你認為自己有沒有商業頭腦？

答：有，我大學主修經濟，都會研究投資方式。

24.可以分享一條絕世發達的妙計嗎？

答：呢個世界無發達妙計，一定要靠自己。

個人資料

姓名：陳爽

年齡：30歲

職業：航空公司銷售及市場部高級經理