魚缸Blogger：中國外運鑊氣十足

近呢幾日中國外運（00598）見鑊氣，成功突破波幅區間1.83至2.25元，尋日逆市再升7.7%，以接近全日高位2.5元收市，即市創出2.51元的五十二周新高，不妨（目及）實有乜動靜！

中外運業務包括貨運代理、船務代理、海運、倉儲、碼頭及汽車運輸服務，可以話係一隻物流股，除受惠航運市場需求復甦、各市自貿區概念發酵外，亦都食正網購興起的炒作。公司首三季營業額增長2.59%至368.72億元人仔，純利增長9.09%至7.11億元人仔。另公司截至六月底止六個月水路貨運代理集裝箱量增長5.8%、碼頭吞吐箱量增長0.2%、船舶承運箱量增長7.8%、航空快遞業務量增長1.2%，其中收入佔比逾八成的貨運代理業務增長13.4%，原因係水路貨代等業務量保持穩定增長。佢嘅母公司中國外運長航集團，係內地最大國際貨運代理公司，範圍涉及海陸空，唔排除會再注資。

中國外運（00598）