魚缸Blogger：中國水業走勢回勇

三中全會今日結束，市場憧憬水利股會有利好消息，靜咗好耐嘅中國水業（01129）終於回勇，尋日以全日高位1.54元收市，升6.9%，配合大成交兼10日線升穿多條平均線，要再見五十二周高位1.57元並唔難。

公司上半年多賺29倍，至3,634萬元。業績大躍進的原因之一，係經營活動收入及毛利增加。同時公司持續進行收購，將業務分散至垃圾堆填區沼氣發電同城市垃圾綜合處理，食正長期國策。

上周發改委話將全面推行居民階梯式水價，已有一半城市實施，有助保護水資源價格；另國務院喺九月透露過要加強監管城鎮排水及污水處理。睇番公司前年定嘅三年戰略目標，一二年清理整頓、一三年擴大規模、一四年創新發展，去年同今年算交到貨，至於明年能否再有新項目，或者生物質發電業務表現如何，將會係公司嘅增長亮點。