上星期港股連跌五日，周五美國就業數據重燃退市預期，但華爾街選擇性把焦點集中於就業及經濟復甦因素上，結果當晚美股大升收場。

恒指期貨走勢

然而，港股夾在內地錢荒及美國聯儲局退市的夾縫之下，按牌路，好難當好消息去炒，誰不知大戶揀通街唔敢睇好之時，殺淡友一個措手不及。昨日早市期指其實無乜瞄頭，直到午後兩時，A股倒升，港期挾穿22,800點之後，扶搖直上，到三時A股收市後，大戶更加得勢不饒人，將期指由22,914點推上全日高位23,149點。

現貨及期指日市分別收23,069點及23,028點，現貨主板成交僅得527億元，挾倉味濃，但經此一彈，昨日指數高位23,124點，又再返到23,554至22,640點橫行區的中位數23,097點樓上，似乎大市又還原基本步，擺出上落市未玩完格局，淡友無謂鬥氣，在這兩個多月有波幅無升幅的市況底下，破位前只有縮細注碼炒即市，根本無一個單邊的完整浪可以賭大錢。