魚缸Blogger：深高速呈V形反彈

尋日公路股表現吸引暴炒妹目光，深高速（00548）、成渝高速（00107）同皖通（00995）升幅介乎0.4至2%不等，其中深高速以全日高位兼五十二周新高3.41元收市，圖表上呈V形反彈，博再下一城，下站先睇3.75元。

睇番呢三隻股都已經派晒季績，得隻成渝首三季純利倒退17%，而深高速同皖通就分別增長9.8%及8.9%。主要從事收費公路及道路投資、建設及經營管理嘅深高速，第三季多賺56.3%至2.5億元（人民幣．下同），收入升18.1%至8.6億元，原因係公司旗下清連高速、南光高速、機荷東段、南京三橋等項目車流量增加，但要留意資產負債比率為54.06%（上半年53.39%），明顯仲有改善空間。雖然內地自去年下半年起實施公路假日免費，同埋廣東省統一收費，不過深高速今年首三季路費收入仍能保持15.6%增幅，相信值得跟進。

深高速（00548）