近排港島多幢甲級寫字樓出現低租成交，相信同市場需求大減有關。一般標準甲廈單位都跌租，租金較平嘅升降機槽寫字樓單位，自然受到威脅；業主擔心準租客被吸走，罕有降低意向租金，幅度由約5至8%。金鐘遠東金融中心有高層升降機槽單位，業主本來要求新租較舊租高5%，但最後決定唔加租，以原有每方呎約38元續租，較同廈標準戶呎租低約34%。

羅仲英料舖市租售氣

港島甲廈升降機槽寫字樓單位降叫租個案

力寶低近兩成租出

寫字樓租賃市況麻麻，港島整體甲級寫字樓租金受壓。有代理同劉Sir講，依家部分標準甲廈單位，每方呎租金跌到低過40元，向來每方呎租金亦只係30多元、質素較低嘅升降機槽寫字樓單位，吸引力自然大減。

好似遠東金融中心一個高層升降機槽寫字樓單位，面積約600方呎，租期就到，業主月前原本要求新租較舊租高5%，去到每方呎約40元，但眼見寫字樓呎租愈來愈低，決定唔加租，維持舊有呎租38元，月租近2.3萬元，比起依家該廈標準戶平均意向呎租約58元，低約34%。其實升降機槽單位即係冇窗戶，單位面積迷你，位處物業客升降機旁嘅單位。

另外，金鐘力寶中心2座高層有個升降機槽寫字樓單位，業主調低意向租金5%至每方呎39元租出，以單位面積約350方呎計，月租約1.36萬元，較同廈標準戶意向平均呎租約48元，低約19%。

明年二三線舖看升

雖然中環皇后大道中九號升降機槽寫字樓放租盤唔多，但寫字樓租賃淡市下，業主求客為先，聽講該廈高層一個同類單位，面積約350方呎，業主考慮每方呎約55元出租，月租約1.9萬元，比起原先意向水平低約8%，依家該廈標準戶意向平均呎租達77元。美聯商業營業董事羅仲英話，一向以來第四季都係寫字樓租賃市場旺季，惟今年整體租售氣氛極為淡靜。

另美聯工商舖（00459）行政總裁黃漢成尋日話，近排二、三線街舖多咗客問盤買賣同租賃，所以睇好出年該類舖位租售價，仲會好過一線街舖，相信租金會升約8至12%，而售價升幅都有約5至8%。