七月推介過嘅中國家居（00692），股價成功見番二千年招股價1.1元，高見1.13元，喺高位整固後現雙底反彈，尋日升近半成，收報1.09元，睇勢話唔定可以再破頂，多條平均線匯集在1.01至1.02元區域，守得住的話，可博見1.2元。

中國家居業務跟住經營環境不斷變遷，剛轉型做木製品買賣及室內設計服務。今年上半年扭虧為盈，錄得純利7,845萬元，去年同期則蝕4,797萬元，收入由515萬元激增至4.18億元，反映公司受惠收入佔比98%的新業務分部。由於內地全方位家裝方案市場潛力具憧憬，佢繼七月收購一間發熱木製家品商後，九月再買中山商用物業，用作產品展覽廳同收租，相信可以帶嚟額外收入。不過，去年開始嘅信息及技術業務，期內錄得虧損301萬元，仲未開始進入收成期，可見業務瓣數多也有弊處，盈利能力有待改善。

中國家居（00692）

阻力位：1.20元

支持位：0.98元