人行昨日進行130億元人仔七日逆回購，但消息一出，中港兩市先升後倒跌再回穩，港股最後進帳39點，彈又彈得唔夠力，插又插得唔深的情況，令因應風向加注的計劃打住。

恒指期貨走勢2013/10/29

港股在23,554點及23,534點的中期雙頂，跌穿頸線22,743點後，昨日最高反彈至22,979點，到底純屬後抽，抑或上落市仲未完結？暫時睇落機會均等。期指的轉倉活動中，未見大戶有單邊手影，不過恒指昨日高位，與近兩星期23,534至22,640點調整浪的0.382反彈阻力22,981點，僅差2點，加上10日及20日線已纏繞在一起，分別在23,060點及23,074點，看好的，亦至少等指數確認重返這百點內多個重要反彈阻力之上，以判斷後市是否真係「死唔斷氣」，延續九月中開始的上落市。

上落市一日未確認結束，即市期指客宜以較少注碼入市，奉行小賭怡情的心態，手上三分一注淡倉已轉到十一月合約，帳面輸緊150點，昨日十一月期指收22,872點，較合理值22,836點，高水36點。