魚缸Blogger：新環保能源睇位收集

上周五新環保能源（03989）獲得工商銀行（01398）提供最多20億元人仔的專項融資安排，雖然有待落實，但股價狂飆近一成，以接近全日高位0.56元收市，創咗五十二周新高，可以候回吐睇位收集。

由於唔少項目仲係建設中，新環保能源今年上半年虧損擴大至4,837萬元，不過期內收益亦增長46.5%至2,270萬元，可見其業務正逐步擴展。公司擁有八個廢物處理項目，年處理能力200萬噸，每年產生上網電量3.77億千瓦時。

另外，近月佢亦先後收購同業惠州廣惠及江蘇廢舊汽車家電回收公司。目前北京處理廠正在加緊施工，係中國首個使用厭氧分解技術的廢物轉化能源項目，料喺明年上半年試行運作，屆時可進一步推動業務表現。同時，受惠「十二五」規劃，內地垃圾焚燒處理規模要由一○年底的每日8.9萬噸，提升至一五年底的30.7萬噸，行業發展前景樂觀。