魚缸Blogger：中海發展博見5元

內地同歐美經濟復甦，成品油、煤炭、鐵礦石及其他乾散貨需求增加，下半年波羅的海乾散貨運價指數（BDI）勁升，中海發展（01138）近日股價回勇，尋日逆市升近半成，以接近全日高位4.51元收市，配合短線黃金交叉利好，睇勢調整暫時告一段落，短線如果可以突破埋九月高位4.8元，博佢踢上5蚊。

中海發展今年上半年虧損擴至9.23億元，原因係航運市場依然供過於求，令到運價處於低水平。不過，內地決心淘汰落後運力同嚴控新增運力，已將老舊船舶報廢更新政策延至一五年底，第四季又係傳統乾散貨運輸行業旺季，加埋公司於內貿原油運輸市場佔優勢，仲有鐵礦石運輸業務撐住，話唔定盈利周期已經見底。另一方面，上海自貿區的成立亦係行業長期復甦另一推動力，相關優惠政策陸續出台，中海發展料受益不淺。

中海發展（01138）