內地新一輪錢荒抵銷了滙豐中國十月製造業PMI初值，升至50.9的利好作用，港股連跌三日，再瀉164點，報22,835點，即月期指失守22,800點關，日市收22,794點，低水41點，成交8.8萬張。

恒指期貨走勢2013/10/24

前日大市急跌316點，以為已預示美股回吐，殊不知昨日沽壓比預期大，昨日期指早市見過22,960點高位之後，淡友控制大局，最低跌至22,738點。

筆者過去一個月唔係未試過追勢博破位，結果恒指依然唔肯上破23,554點或者跌穿22,743點的大型上落區間，故此索性建議實行守株待兔，等確認破位至算。

恒指昨日22,835點收市，同中期上落區支持位22,743點，差距唔到100點，今次會否有真突破？只能等時間畀大家答案。客觀睇，國際油價近日回落甚速，美債息因為退市預期急降溫，回到2.5厘樓下，未見外圍有足以令港股調整的負面因素，結論係上落市可能仲未玩完。