魚缸Blogger：敏華控股值得跟進

敏華控股（01999）啱啱公布「十．一」長假期間嘅零售開單銷售額，由於交到貨，尋日股價逆市升逾2%，收報12.46元，即市高見12.72元，就快見番五十二周高位12.76元，承接強勢，博佢踢上13.4元。

敏華於十月一日至七日期間大搞促銷活動，「芝華仕」同「愛蒙」品牌合共錄得開單銷售額1.7億元人仔，比去年同期增長逾四成。另外，公司喺早前發盈喜，預期截至九月底止六個月，綜合淨利潤將同比錄得顯著增長，主要係因為品牌競爭力同營運效率進一步提升，五月推介時提過佢最新研發的「Leath-Aire」科技布將會成為增長亮點，期內相關沙發在各個海外市場銷售都唔錯。

至於未來發展，敏華將繼續拓展業務至三、四線城市，江蘇吳江廠房已於去年七月投產，截至七月底止內地零售店達逾千間，且適時加價，盈利能力可觀，公司將於下月十三日派中績，值得跟進。