魚缸Blogger：信利盈利能力提升

受盈喜帶動的信利國際（00732），尋日以大陽燭升穿5蚊關兼橫行格局，即市掂到前高位5.09元，埋單仍升一成，收報5.07元，配合短線黃金交叉利好，要再見五十二周高位5.37元並唔難，話唔定可以踢上5個半！

信利定期公布營運數據，透明度夠高，預期截至九月底止九個月淨利潤將比去年同期大幅增長，原因係期內收益大增68.7%，由去年同期的86.32億元增至145.58億元。睇番公司首季同中期張成績表，分別錄得營業額33.86億元及86.66億元、純利1.72億元及7.13億元，第三季增長比起次季有啲失色，不過見到佢嘅毛利率持續上升，由前年的12.5%增至14.2%，年度業績有保證。

除咗液晶顯示器帶動增長外，智能手機相關產品亦都有助提高盈利能力，加埋六月收購富元精密，拎到3.5代OGS電容屏生產線約30至50%大板產能支持，競爭優勢「升呢」。