港交所（00388）研究在「夜期」引入「細期」，令投資資本大幅減低，部分未有投資「夜期」經驗的散戶，亦因此考慮一試身手。

目前恒指「大期」基本按金為73,650元，「細期」為14,730元；國指「大期」基本按金為34,050元，「細期」則只為6,810元，令入場成本大大減輕，部分散戶表示會因此考慮「夜期」投資，而且更認為「夜期」時段不夠長。

嫌交易時間唔夠長

散戶區生直言：「『夜期』交易時間唔夠長，如果入咗市，美國嗰邊有咩事，就未必走得切，不過如果推『細期』，到時入場費平啲，我都會考慮玩。」

另一散戶羅生認為，香港散戶多數只玩正股，但「細期」無疑會增加對投資者的吸引力，「夜期」增設「細期」自然有利。他稱：「我玩開正股，『夜期』成交少，我冇乜興趣。如果真係有『細期』，門檻低啲應該會多啲人入市增加成交。不過，我冇玩開期指，所以都唔考慮住。」

不過，另一散戶Victor就覺得，若果港交所在收市後交易時段推「細期」，會令大市的波動進一度增加。

他稱：「『夜期』推出半年我都冇玩過。如果真係推『細期』，短期波動就更加大，即市難度增加，我會觀望吓先考慮入市。」